Platon, grezieraz Πλάτων, (c. K. a. 427 - c. K. a. 347) Grezia Klasikoaren filosofo garrantzitsu bat izan zen. Sokratesen ikasle eta Aristotelesen maisu izan zen. Sokratesengandik jaso zuen eragina nabarmena izan zen. Parmenides, Heraklito eta pitagorikoen pentsamendu-iturrietatik ere edan zuen. Bere filosofiaren argitasunak eta sakontasunak eragin nabarmena izan dute historian zehar. Filosofiari bere egungo izaera eman eta bere zabalera osoan, hala nola etika, politika, metafisika eta epistemologia, aztertu zuen lehena izan zen. Askoren ustez, Aristoteles, Kant eta beste filosofo bakan batzuk bakarrik jarri daitezke bere parean. Bere lan nagusiak Solasaldiak izeneko bilduma batean jasotzen dira (solasaldi moduko idazkiak baitira), non Sokrates pertsonaia nabarmena den.
Ideien Teoria
Teoria hau da Platonen filosofiaren ardatz nagusia eta honen bitartez berak bi funtsezko galdera erantzun nahi ditu:
- Galdera ontologikoa → Zer da errealitatea?
- Galdera antropologikoa → Nola ezagutu daiteke errealitatea?
Teoria honek zera baieztatzen du, badagoela, alde batetik,
bi errealitate maila:
- Ideien Mundua → bertan ideiak eta zenbakiak daude, hauek perfektuak, hilezkorrak, aldaezinak eta bakarrak direlarik.
- Mundu Sentikorra → bertan objektu fisikoak eta irudiak daude, hauek ez-perfektuak, iraungikorrak, aldakorrak eta anitzak direlarik.
Eta bestetik,
bi ezagutza maila:
- Benetako ezagutza (episteme) → arrazoimenaren bitartez lortzen dena.
- Sasi-ezagutza (doxa) → zentzuen bitartez lortzen dena.
Gure iritzia:
Gure ustez filosofo Greko oso ona izan zen.
Gure ustez filosofo Greko oso ona izan zen.
ResponderEliminar